პროფორიენტაცია და კარიერის დაგეგმვა

სსიპ საგანმანათლებლო დაწესებულების მანდატურის სამსახურმა, პროფესიული ორიენტაციისა და კარიერის დაგეგმვის საპილოტე პროგრამის განხორციელება 2013 წლის ნოემბრიდან დაიწყო. 2014 წლის აპრილიდან კი პროგრამა ამოქმედდა საქართველოს 107 საჯარო სკოლაში.
2014-2015 სასწავლო წელს  პროგრამის პილოტირებაში ჩართული  იყო საქართველოს 482 სკოლა. 2015-2016 სასწავლო წელს კი პილოტირებულ პროგრამაში ჩართულია 944 სკოლა. პროფესიული ორიენტაციის მიზანია IX-XI კლასის მოსწავლეთა დახმარება საკუთარი ინტერესების, შესაძლებლობების, უნარების, ღირებულებების გაცნობიერებასა და განვითარებაში. პროგრამა აგრეთვე მიზნად ისახავს მოსწავლეები აღჭურვოს პროფესიული გადაწყვეტილების მიღების თეორიული, პრაქტიკული ცოდნითა და უნარით.პროგრამის ფარლებში მოსწავლეებს უწევთ ძალიან სახალისო და საინტერესო აქტივობების შესრულება, რაც მათ საკუთარი პიროვნების უკეთ შეცნობაში და შესაბამისად მომავალი პროფესიების გააზრებულად გააზრებაში ეხმარება.

----------------------------------

პროგრამამ ჩვენი სკოლის საგანმანათლებლო სივრცეში 2014-2015 სასწავლო წელს შემოაღწია და მხვდა პატივად, მოსწავლეებთან აღნიშნულ საკითხთან დაკავშირებით სწორედ მე მემუშავა. თავდაპირველად სიახლეს სკეპტიკურად შევხვდი და მის ეფექტურობაში ეჭვი შევიტანე, თუმცა მოგვიანებით, მოსწავლეებთან პრაქტიკული  მუშაობის კვალდაკვალ ვრწმუნდებოდი, რომ ძალიან საინტერესო და მნიშვნელოვან სიახლესთან მქონდა საქმე. გავიარე ტრენინგები სენაკში, სადაც შემექმნა წარმოდგენა იმაზე, თუ რა კუთხით მიმეტანა სათქმელი მოსწავლეებამდე. პროგრამის ფარგლებში იმდენად საინტერესო აქტივობები შესრულდა, რომ მოსწავლეებმა  სალექციო კურსის საათების გაზრდა მოითხოვეს. ძალიან საინტერესო იყო მუშაობა პროფორიენტაციისა და კარიერის დაგეგმვის აბაშის სპეციალისტთან, ინა გერსამიასთან, რომელიც თითოეულ გაკვეთილზე მესწრებოდა და ყველანაირ პირობას მიქმნიდა, რომ საგაკვეთილო პროცესი უფრო საინტერესო და სახალისო გამხდარიყო. შარშანდელი წლის მუშაობის დადებით შედეგად შემიძლია მივიჩნიო ის, რომ რამდენიმე მოსწავლემ შეცვალა გადაწყვეტილება არჩეულ პროფესიასთან დაკავშირებით, რის მიზეზადაც საკუთარი შესაძლებლობებისა და პიროვნული მახასიათებლების უკეთ გაცნობა დაასახელა. აღნიშნეს, რომ მათი პიროვნული თვისებები არ შეესაბამებოდა მათ მიერ არჩეულ პროფესიას. რამდენიმე მოსწავლე კი პროფესიული სასწავლებლების უპირატესობაში დარწმუნდა და სამომავლოდ სწავლის გაგრძელებას ამ კუთხით აპირებს. ვინაიდან შარშან ჩემს სადამრიგებლო კლასთან მიწევდა მუშაობა, თამამად შემიძლია კმაყოფილება გამოვხატო არა მარტო როგორც პროფორიენტაციისა და კარიერის დაგეგმვის მასწავლებელმა, არამედ დამრიგებელმაც.
2015-2016 სასწავლო წელს პროგრამა გაცილებით მაშტაბური გახდა და როგორც ზემოთ ავღნიშნე,  944 სკოლა მოიცვა. პროექტის მაშტაბურობამ განაპირობა მასწავლებელთათვის გაცილებით მკაცრი მოთხოვნების წაყენებაც. ტრენინგებს, რომელიც ნოემბრში აბაშის N1 საჯარო სკოლაში ჩაგვიტარდა, ტესტირება მოჰყვა, რომლის წარმათებით გადალახვის შედეგად, მერგო პატივი, წელსაც საკუთარ თავზე ამეღო ეს ძალიან საინტერესო და ამავდროულად მნიშვნელოვანი საქმე. ვგეგმავ ძალიან საინტერესო აქტივობებს, შევეცდები შევქმნა სახალისო რესურსები, რაც მოსწავლეებს საკითხის უკეთ აღქმაში დაეხმარება. მჯერა, მონდომებითა და ინას დახმარებით აუცილებლად პირნათლად   გავყვები აღებულ გეზს  და მოსწავლეებს დავეხმარები სწორი გადაწყვეტილებების მიღებაში, რაც თავისთავად მათი უკეთესი მომავლის გარანტი იქნება.

                                              ----------------------------------------------------------

გაკვეთილი N1

30.11.15

IX კლასი

დრო	აქტივობის №	აქტივობა	მეთოდი	რესურსი
3წთ.	აქტივობა № 1	რა სმენიათ პროფესიული ორიენტაციისა და კარიერის დაგეგვმის შესახებ მოსწავლეებს	გონებრივი იერიში
7წთ.	აქტივობა № 2	მასწავლებელი აწვდის ინფორმაციას ახალი საგნის შესახებ	მინი ლექცია	დანართი № 1.1
15წ.	აქტივობა № 3	სავარჯიშო  “შეურჩიე პროფესია”	ჯგუფური მუშაობა	დანართი № 1. 2 ამობეჭდილი სახით
10წთ.	აქტივობა № 4	ჰოლანდის ტიპოლოგიისა და კლიმოვის კლასიფიკაციის გაცნობა	მინი ლექცია	დანართი № 1. 3; 1.4
5წთ.	აქტივობა № 5	შეჯამება
5წთ.	აქტივობა № 6	ინდივიდუალური სამუშაო იხ. დანართი №1.5	კითხვარი	ამობეჭდილი დანართი №1.5

პირველი გაკვეთილის ფოტო გალერეა

გთავაზობთ მოსწავლის ნამუშევრის ერთ ნიმუშს

სიტუაციურ სავარჯიშოზე "შეურჩიე პროფესია" მოსწავლეები სამ ჯგუფად დავყავით და თითოეულ ჯგუფს თითო სიტუაციური დავალება მივეცით. წარმოგიდგენთ დავალებებს:

იმისათვის, რომ მოსწავლეებისთვის ჰოლანდის ტიპოლოგია და კლიმოვის კლასიფიკაცია უფრო საინტერესო კუთხით გამეცნო, გადავწყვიტე მემუშავა პროგრამა ,,POWER POINT"-ში და  საკითხი პრეზენტაციის სახით წარმედგინა. გთავაზობთ მას.

  --------------------------------------------------------------------------------

II გაკვეთილი

15.12.15

IX კლასი

მიზანი: სუბიექტური რეალობის არსებობის გაცნობიერება. სტერეოტიპების გავლენა და მათი მოქმედება.

შედეგები: აღქმის ილუზიები და სუბიექტურობის გააზრება. პროფესიის არჩევაზე მოქმედი სტერეოტიპების და მათი მოქმედების რისკების გაცნობიერება.

დრო	აქტივობის №	აქტივობა	მეთოდი	რესურსი
5წთ.	აქტივობა № 1	განვლილი მასალის გახსენება	დისკუსია
20წთ.	აქტივობა № 2	“რას ხედავთ ნახატზე”	საერთო საკლასო სამუშაო, დისკუსია	დანართი №2.1; 2.2
10წთ.	აქტივობა № 3	სტერეოტიპები/სუბიექტური რეალობა  მინილექცია “აღქმის თავისებურებები”	მინი ლექცია	დანართი № 2.3
10წთ.	აქტივობა № 4	პროფესიის არჩევის ტიპური შეცდომები	მინი ლექცია ინტერაქციის ელემენტებით	დანართი № 2. 4

მოსწავლეებს გაკვეთილის დასაწყისშივე გასაგებად განვუმარტე გაკვეთილის მიზანი.
შევეცადე თითოეული მათგანი თანაბრად ჩამერთო აქტივობებში და თანამშრომლური ურთიერთობით მიეღწიათ მიზნისთის. გაკვეთილის მსვლელობისას პრობლემა არ შემქნია. მოსწავლეებს ჰქონდათ საშუალება თამამად გამოეთქვათ თავიანთი ვარაუდები და დაეფიქსირებინათ შეხედულებები. საკითხის უკეთ გაგების მიზნით მოვამზადე პრეზენტაცია, რომელსაც აქვე გთავაზობთ:

ფოტო გალერეა

        -----------------------------------------------------------------------

მიმდინარე  წლის 23 დეკემბერს სსიპ აბაშის მუნიციპალიტეტის სკოლების მეცხრე კლასის მოსწავლეები საერთო მიზნის გარშემო გაერთიანდნენ.საგნის, პროფორიენტაციისა და კარიერის დაგეგმვის ფარგლებში მოსწავლეები აბაშის კულტურის სახლში შეიკრიბნენ, სადაც შეხვდნენ ავღანეთის ომის მონაწილეს, ახალგაზრდა ქართვეელ გმირს თემურ დადიანს, რომელმაც ომში ნაღმის აფეთქების შედეგად  ორივე ქვედა კიდური დაკარგა, თუმცა ცხოვრებაზე ხელი არ ჩაუქნევია და მსოფლიო ჩემპიონიც კი გახდა აზიდვაში. მან 38.25 წამში 36 ე.წ ;;ამპუტირებული აზიდვა" გააკეთა. შეხვედრამ ემოციურ ფონზე ჩაიარა. მოსწავლეებმა ერთხმად აღნიშნეს, რომ თემურ დადიანი გმირობისა და უდრეკი შემართების საუკეთესო მაგალითია. შეხვედრის დეტალებზე უფრო ვრცლად ჩვენი სიუჟეტიდან შიტყობთ.

სიუჟეტის ავტორი: ბიჭიკო ოჩიგავა

---------------------------------------------------

მიმდინარე წლის 28 დეკემბერს სსიპ აბაშის მუნიციპალიტეტის სკოლების პროფორიენტაციისა და კარიერის დაგეგმვის მასწავლებლები რაიონის რესურს ცენტრში შევიკრიბეთ, სადაც პირველი სემესტრის მუშაობა შევაჯამეთ. შეხვედრაზე დეტალურად განვიხილეთ ის ხარვეზები, რომლებიც მოსწავლეებთან მუშაობის პროცესში დაფიქსირდა და მათი გამოსწორების სტრატეგიებიც ერთობლივად შევიმუშავეთ. შეხვედრა თბილ გარემოში შედგა, სადაც თითოეულმა ჩვენგანმა საკუთარი შეხედულებები დავაფიქსირეთ და პირველი სემესტრის მუშაობის დადებით მხარეებსაც გავუსვით ხაზი. დავსახეთ სამომავლო გეგმებიც, რომლის ფარგლებშიც, მეორე სემესტრის პირველ ნახევარში დავგეგმეთ ეტალონის ტიპის ინტელექტუალური თამაშის ჩატარება, რომელიც მიზნად ისახავს რაიონის მაშტაბით იმ მოსწავლეთა მხრიდან ერთმანეთის გაცნობას, რომლებიც პროფორიენტაციასა და კარიერის დაგეგმვას სწავლობენ. შევიმუშავეთ გეგმა, რომელშიაც განვიხილეთ თითოეული დეტალი. შედეგად მხვდა წილად ბედნიერება თამაშის წამყვანის ამპლუა სწორედ მე  მოვირგო და მოსწავლეთა განწყობის ამაღლებაზეც ვიზრუნო. მჯერა ღირსეულად გავყვებით არჩეულ გეზს და 2016 წელი ჩვენი წარმატების წელი იქნება!!!

----------------------------------

III გაკვეთილი

25.01.16

IX კლასი

მიზანი: პროფესიათა მახასიათებლების   გაცნობა, კონკრეტული პროფესიის როლის   გააზრება. 

შედეგი: პროფესიათა ბუნების გაცნობა, გავარჯიშება, შემოქმედებითი აზროვნების, ჯგუფური მუშაობის, ეფექტური კომუნიკაციისა და კოორდინაციის განვითარება.

დრო	აქტივობის №	აქტივობა	მეთოდი	რესურსი
3წთ	აქტივობა № 1	განვლილი საკითხების გახსენება	დისკუსია
30წთ	აქტივობა № 2	თამაში “პროექტის შექმნა”	ჯგუფური მუშაობა, როლური გათამაშება	დანართი №3.1
10წთ.	აქტივობა № 3	ნამუშევრის წარდგენა	პრეზენტაცია
2წთ.	აქტივობა № 4	შეჯამება	კითხვა-პასუხი

 ფოტოგალერეა

----------------------------------

გაკვეთილი IV

მიზანი: მომავლის დაგეგმვის მნიშვნელოვნების გააზრება.

შედეგები: მოსწავლეები აცნობიერებენ მომავლის დაგეგმვის  მნიშვნელობას, ივითარებენ  მიზნის დასახვისა და გეგმის შედგენისათვის საჭირო უნარებს  

დრო	აქტივობის №	აქტივობა	მეთოდი	რესურსი
5წთ.	აქტივობა № 1	“რა არის მიზანი”	გონებრივი იერიში	დაფა, ცარცი/მარკერი, დანართი №4.1
15წთ.	აქტივობა № 2	“ვირჩევთ მიზანს” (სავარჯიშო)	სავარჯიშო	ფორმატი A-0, მარკერი
5წთ.	აქტივობა № 3		მინი ლექცია
5წთ.	აქტივობა № 4	“რა არის გეგმა”	ტვინის შტურმი	დაფა, ცარცი/მარკერი
15წთ.	აქტივობა №5	“სამშენებლო კომპანია” (სავარჯიშო)	სავარჯიშო	დაფა, ცარცი/ მარკერი

გაკვეთილზე მოსწავლეების პრეზენტაციის სახით შევთავაზე მიზნების შესახებ საინტერესო ინფორმაციები, რომლებიც სპეციალურად მათთვის მოვამზადე. სტრატეგიამ გაამართლა და მოსწავლეები მარტივად გაერკვნენ მიზნების არსში.

ფოტო გალერეა

-------------------------

მიმდინარე წლის 7 მარტს აბაშის მუნიციპალიტეტის სამი სკოლის (ზანათი, სეფიეთი, სუჯუნა) მეცხრე კლასის მოსწავლეები სუჯუნის საჯარო სკოლაში შეიკრიბნენ და საგან პროფორიენტაციისა და კარიერის დაგეგმვის ფარგლებში სხვადასხვა სფეროში წარმატებული ადამიანების შესახებ საინტერესო ვიდეორგოლები იხილეს.მოსწავლეებმა გაიგეს თუ რა უნარებისა და კომპეტენციების ფლობაა აუცილებელი ამა თუ იმ სფეროში წარმატების მისაღწევად. შეხვედრის განმავლობაში მიმდინარეობდა აქტიური დისკუსია და განიხილავდნენ მათთვის საინტერესო დეტალებს. რამდენად კმაყოფილები დარჩნენ შეხვედრით და რა სიახლეები გაიგეს ამა თუ იმ პროფესიის შესახებ ჩემ მიერ მომზადებული სიუჟეტიდან გაიგებთ.

-------------

V გაკვეთილი

მიზანი:ეროვნულისაკვალიფიკაციოჩარჩოსა  დასაქართველოშიარსებულიპროფესიათასფეროებისგაცნობა.        

შედეგები: მოსწავლეთა ცოდნის ამაღლება პროფესიათამახასიათებლებისშესახებ. გსაქართველოსეროვნულსაკვალიფიკაციოჩარჩოს გაცნობა ;  სწავლისშედეგადმიღებულიკომპეტენციებისკავშირის გააზრება პროფესიებთან.

დრო	აქტივობის№	აქტივობა	მეთოდი	რესურსი
15 წთ.	აქტივობა№ 1	სავარჯიშო “პროფესია-სპეციალობა”	ჯგუფური სამუშაო	დანართი №5.1
7წთ.	აქტივობა№ 2	ეროვნულსაკვალიფიკაციოჩარჩოსდაპროფესიულმიმართულებებისგაცნობა	მინი ლექცია	დანართი №5.2
20წთ.	აქტივობა№ 3	“პროფესიისპრეზენტაცია”	ჯგუფურიმუშაობა	დანართი №5.3
3წთ.	აქტივობა №4	შეჯამება

ფოტო გალერეა

იმისათვის, რომ მოსწავლეებისთვის ადვილად გასაგები ყოფილიყო ეროვნული საკვალიფიკაციო ჩარჩო, საკვანძო საკითხები პრეზენტაციის სახით მოვამზადე, რამაც დადებით შედეგზე გამიყვანა.

  ვიდეო ერთ-ერთი აქტივობიდან

-------

სსიპ აბაშის მუნიციპალიტეტის რესურს ცენტრში პროფორიოენტაციისა და კარიერის დაგეგმვის მორიგი ტრენინგი გაიმართა, რომელშიც რაიონის მაშტაბით  9 სკოლის პროფორიენტაციისა და კარიერის დაგეგმვის მასწავლებლებმა მივიღეთ  მონაწილეობა. ტრენერად ჩვენთვის კარგად ცნობილი პიროვნება, პროფორიენტაციისა და კარიერის დაგეგმვის აბაშის სპეციალისტი ინა გერსამია მოგვევლინა, რამაც საშუალება მოგვცა თამამად და დაძაბულეობის გარეშე ჩავრთულიყავით მოდულით გათვალისწინებულ აქტივობებში. მოდულის ფარგლებში გავეცანით XI კლასის პროგრამას და დეტალურად განვიხილეთ  თითოეული ის აქტივობა, თუ მეთოდი, რომელსაც ახლო მომავალში მეთერთმეტე კლასში განვახორციელებთ. ტრენინგი ორი დღის განმავლობაში მიმდინარეობდა და საკმაოდ საინტერესო აქტივობებით იყო გაჯერებული. საინტერესოდ მოვირგეთ მოსწავლეთა ამპლუა და მათთან განსახორციელებელი თითოეული აქტივობა საკუთარ თავს მოვარგეთ. მოდულის ფარგლებში, ისეთ სიახლეებსაც შევეხეთ, რომელთა შესახებაც გარკვეული, თუმცა არასრულყოფილი წარმოდგენა გაგვაჩნდა. განსაკუთრებით საინტერესო იყო ტრენინგ-კურსის ბოლო დღე, რომელიც ინა გერსამიას მიერ შემოთავაზებულმა  სახალისო  აქტივობემა მრავალფეროვანი გახადა. აქტივობებში აქტიურად ვიყავით ჩართულები და გვქონდა პირადი შეხედულებების თავისუფლად დაფიქსირების საშუალება. შეხვედრის დასასრულს  ინას საინტერესო ტრენინგ-კურსისთვის  მადლობა გადავუხადეთ და მომდევნო შეხვედრამდე დავემშვიდობეთ.

ფოტო გალერეა

წარმოგიდგენთ ტრენინგზე განხორციელებულ ერთ-ერთ აქტივობას. ჩვენშიც არის ხოლმე რაღაც ბავშვური:-)

-----------------------

გაკვეთილი VI

 IX კლასი

მიზანი: შრომითი ღირებულებებისა და ინტერესებისა როლის გაცნობიერება პროფესიული  არჩევანის დროს.

შედეგები: მოსწავლეები ეცნობიან და აანალიზებენ საკუთარ ინტერესებსა და შრომით ღირებულებებს; იაზრებენ მათ  კავშირს პროფესიულ არჩევანთან.

დრო	აქტივობის №	აქტივობა	მეთოდი	რესურსი
7 წთ.	აქტივობა №1	ასოციაციები სქემის მიხედით	გონებრივი იერიში	დანართი № 6.1 ფლიპჩარტი, მარკერები დაფა,ცარცი
8 წთ.	აქტივობა№ 2	ღირებულებები და ინტერესები	მინი ლექცია
30წთ.	აქტივობა№ 3	სავარჯიშო ,,ღირებულებათა აუქციონი”	ჯგუფური სამუშაო	დანართი №6.2 (ღირებულებების აუქციონის ფორმა)

ფოტო გალერეა

ვიდეო ერთ-ერთი აქტივობიდან

-------------------------

2016 წელი. 4 აპრილი
სსიპ აბაშის მუნიციპალიტეტის სოფელ სეფიეთის საჯარო სკოლის 11-ე კლასში პროფორიენტაციისა და კარიერის დაგეგმვის პირველი სესია ჩავატარე. მოსწავლეებმა სიახლე კარგად მიიღეს და ხალისით ჩაერთვნენ აქტივობებში. მე-11 კლასში, ისევე როგორც მე-9 კლასში სესაია ტრადიციულად თვეში ერთხელ ჩატარდება.

ფოტო გალერეა

II სესია

მიზანი: შრომის ბაზრის მნიშვნელობის გაცნობიერება პროფესიის არჩევისა და კარიერის დაგეგმვის პროცესში; რეზიუმეს (CV) ძირითადი სტრუქტურა და მომზადება.

შედეგი: მოსწვალეებმა იციან შრომის ბაზრის არსი; სად მოიძიონ ინფორმაცია შრომის ბაზრის შესახებ; შრომის ბაზრის ინფორმაციის გამოყენების მნიშვნელობა პროფესიის არჩევისას; მოსწავლეები განივითარებენ თვითპრეზენტაციის უნარს, გაეცნობიან რეზიუმეს (CV) მომზადების ტექნიკებს.

დრო	აქტივობის	აქტივობა	მეთოდი	რესურსი
	№
2წთ.	აქტივობა	განვლილი მასალის	კითხვა-პასუხი
	№ 1	გახსენება
10წთ.	აქტივობა	შრომის ბაზარის	მინი ლექცია	დანართი № 2.2.1
	№ 2	ინფორმაციის
		გამოყენება
		გადაწყვეტილების
		მიღებისას
3წთ.	აქტივობა	ინფორმაციის მიღება	გონებრივი იერიში	დაფა/ფლიპჩარტი,
	№ 3	კარიერის მართვისა		მარკერები/ცარცი
		და დაგეგმვის შესახებ
5 წთ.	აქტივობა	მოსწავლეთათვის	მინი ლექცია	დანართი: № 2.4.1-
	№ 4	კარიერის მართვის		2.4.2
		პროცესის გაცნობა
5წთ.	აქტივობა	მოსწავლეთათვის	მინი ლექცია	დანართი: № 2.5.1-
	№ 5	რეზიუმეს (CV) წერის		2.5.2
		ტექნიკების გაცნობა		დამატებითი
				საკითხავი № 2.5.3
20	აქტივობა	სავარჯიშო „რეზიუმე	ინდივიდუალური	ფურცელი,
წთ.	№ 5	(CV)“	სამუშაო	კალმისტარი

------------------------------

რუსუდან ოჩიგავა ერთ-ერთია იმ მოსწავლეთა შორის, რომელსაც, საკუთარი თავის შეეცნობასა და მომავალი პროფესიის არჩევაში, პროფორიენტაციისა და კარიერის დაგეგმვის სესიები დაეხმარა. ნახეთ რას ყვება ის საკუთარი გადაწყვეტილების შესახებ.

---------------

გაკვეთილი VII

IX კლასი

მიზანი: გადაწყვეტილების მიღების უნარის გაუმჯობესება.

შედეგები: მოსწავლეები  გაიუმჯობესებენ გადაწყვეტილების მიღების უნარს

დრო	აქტივობის N	აქტივობა	მეთოდი	რესურსი
5 წთ	აქტივობა N 1	,,ექვსი მოაზროვნე ქუდი,,(ედვარდ დე ბონო)	მინი-ლექცია, ინტერაქციული	დანართი 7.1
30წთ	აქტივობა N 2	,, ელენეს შემთხვევა ,,	გონებრივი შტურმი, დისკუსია	დანართი 7.2
5წთ	აქტივობა N 3	,,კარიერული გადაწყვეტილების მიღების პროცესი,, მეთოდის გაცნობა	5 წთ.	დანართი 7.3
5წთ.	აქტივობა N 4	შეჯამება	კითხვა-პასუხი

-------------------------------------

III სესია

XI კლასი

მიზანი: სამოტივაციო წერილის მომზადება, წარმატებული გასაუბრების ტექნიკების, გასაუბრების პროცესისა და მისი კარგად წარმართვისთვის საჭირო რეკომენდაციების გაცნობა.

შედეგი: მოსწავლეები განივითარებენ თვითპრეზენტაციის უნარს, გაეცნობიან სამოტივაციო წერილის მომზადების ტექნიკებს. გაეცნობიან გასაუბრების პოზიტიურად წარმართვისთვის საჭირო რეკომენდაციებს და გასაუბრების ეტაპებს.

დრო	აქტივობის №	აქტივობა	მეთოდი	რესურსი
2 წთ.	აქტივობა № 1	განვლილი მასალის	კითხვა-პასუხი
		გახსენება
6 წთ.	აქტივობა № 2	მოსწავლეთათვის	გონებრივი	დანართი:3.2.1
		სამოტივაციო	იერიში/მინი ლექცია	დამატებითი
		წერილის შედგენის		საკითხავი
		ტექნიკების გაცნობა		3.2.2
15 წთ.	აქტივობა № 3	სავარჯიშო	ჯგუფური	დანართი:
		„სამოტივაციო	სამუშაო/პრეზენტაცია	3.3.1
		წერილი“
22 წთ.	აქტივობა № 4	სავარჯიშო	როლური  გათამაშება,	დანართები
		„გასაუბრება“	დემონსტრაცია	3.4.1, 3.4.2

IV სესია

მიზანი: კარიერული გადაწყვეტილების მიღების უნარის განვითარება და მომავლის დაგეგმვის მნიშვნელობის გააზრება.

შედეგი: მოსწავლეები აცნობიერებენ პროფესიული წარმატებისათვის თვითშემეცნების პროცესისა და მომავლის დაგეგმვისა მნიშვნელობას, და ახდენენ მიღებული ცოდნის შეჯამებას.

დრო	აქტივობის №	აქტივობა	მეთოდი	რესურსი
2 წთ.	აქტივობა № 1	განვლილი მასალის	კითხვა-პასუხი
		გახსენება
3 წთ.	აქტივობა № 2	თვითშემეცნების, სწორი	მინი ლექცია	დანართი
		პროფესიული არჩევანის		№ 4.2.1
		და კარიერული
		გადაწყვეტილების
		მნიშვნელობა
20 წთ.	აქტივობა № 3	სავარჯიშო:	ჯგუფური მუშაობა	დანართი
		„თვითშემეცნების	პრეზენტაცია	№ 4.3.1-
		სიტუაციური ანალიზი“		4.3.2
10 წთ.	აქტივობა № 4	კარიერის არჩევისა და	მინი ლექცია	დანართი
		დაგეგმვის მოდელი		№ 4.4.1
10 წთ.	აქტივობა № 5	პროფორიენტაციისა და	ინდივიდუალური	დანართი
		კარიერის დაგეგმვის	სამუშაო, დისკუსია	№ 4.5.1
		ფარგლებში შეძენილი
		ცოდნის გააზრება და
		შეჯამება.

ფოტო გალერეა

-----------------

გაკვეთილი VIII

მიზანი: განვლილი მასალის სქემატური ფორმირება/შეჯამება

შედეგი: პროფესიული გადაწყვეტილების მირების უნარის გაუმჯობესება

დრო	აქტივობის №		აქტივობა	მეთოდი	რესურსი
15წთ.	აქტივობა № 1		კარიერული გადაწყვეტილების	კითხვა-პასუხი	დანართი
			მირების სქემის განხილვა	ინდ.სამუსაო	8.1
25 წთ.	აქტივობა № 2		,,გასაუბრება“	როლური გათამაშება
				დისკუსია
5წთ.	აქტივობა № 3		უკუგება	ინდივიდუალური	დანართი
				მუშაობა	8.2

 ფოტო გალერეა

---------

                                პროფორიენტაციისა და კარიერის დაგეგმვის სესიების შეჯამება

სკოლა: სეფიეთის საჯარო სკოლამასწავლებელი: ბიჭიკო ოჩიგავაკლასები: IX-XI
სასწავლო წელი: 2015-2016

მიმდინარე წელს, სსიპ აბაშის მუნიციპალიტეტის სოფელ სეფიეთის საჯარო სკოლაში, პროფოერიენტაციისა და კარიერის დაგეგმვის ფარგლებში სულ 12 სესია ჩავატარე. მათგან  8 სესია IX  კლასში,  ხოლო 4 სესია კი  XI-ში. ჩვენი სკოლის მეთერთმეტე კლასი პროგრამაში აპრილიდან ჩაერთო. მთელი სასწავლო წლის მანძილზე სესიები გეგმის მიხედვით ტარდებოდა და ხელის შემშლელ ფაქტორს ადგილი არ ჰქონია. მე, როგორც პროფორიენტაციისა და კარიერის დაგეგმვის მასწავლებელი, განსაკუთრებით დადებითად მეცხრე კლასის პროგრამას ვაფასებ, რამეთუ თითოეული სესია ძალიან საინტერესო აქტივობებით იყო გაჯერებული. ყოველი სესიისთვსის წინასწარ ვემზადებოდი. ვქმნიდი, როგორც ელექტრონულ, ისე ფოტო-ვიდეო რესურსებს, რათა მოსწავლეთათვის საკითხები ადვილად აღსაქმელი ყოფილიყო. უამრავი აქტივობიდან  განსაკუთრებით გამოვყოფ ერთს ,,პროფესია-სპეციალობა“. იმისათვის, რომ მოსწავლეთათვის საკითხი მარტივად გასაგები ყოფილიყო, გავაკეთე საინტერესო თვალსაჩინოება ,,პროფესია-სპეციალობის ხე“. აღნიშნული სესია საინტერესო იყო იმ კუთხითაც, რომ ის ვიდეო-გაკვეთილის ფორმატით ჩატარდა და მთელი 45 წუთის მანძილზე ვიდეო ფირზე იწერებოდა. აღნიშნულ ვიდეო-გაკვეთილს ჩემს ელექტრონულ პორტფოლიოში ვინახავ.  თითოეულ სესიას ცხადია ვაფორმებდი შესაბამისი ოქმით და ფოტო მასალებითა და მოსწავლეთა ნამუშევრებით გაჯერებულს მატერიალური სახითაც ვინახავდი ჩემს პორტფოლიოში. არანაკლებ საინტერესო იყო მეთერთმეტე კლასის პროგრამაც, რომელიც ძალიან საინტერესო და ინფორმაციული აღმოჩნდა ჩემთვისაც. გავეცანი CV-ისა და სამოტივაციო წერილის თანამედროვე სტანდარტებს. მეთორმეტე კლასელთათვის ყველაზე საინტერესო აღმოჩნდა აქტივობა ,,გასაუბრება“ , რომლის დროსაც, მათ ადვილად მოირგეს სამსახურის მაძიებლისა და დამქირავებლის როლები. პროფოერიენტაციისა და კარიერის დაგეგმვის სესიების დადებით მხარედ მიმაჩნია ის, რომ რამდენიმე მოსწავლემ შეცვალა საკუთარი გადაწყვეტილება მომავალ პროფესიასთან დაკავშირებით. ერთადერთი ხელის შემშლელი ფაქტორი აღნიშნული სესიების ჩატარებისას გახლდათ, დროის ფაქტორი, რომელიც არ იყო საკმარისი გეგმით გათვალისწინებულ აქტივობებზე სამუშაოდ. ვისურვებდი, რომ მომავალში თითოეული სესიისთვის დაეთმოთ ერთი საათი, რადგან ის თავისი არსით განსხვავდება სტანდარტული გაკვეთილისგან და საკმაოდ რთულია 45 წუთში მოხერხდეს თითოეული აქტივობის სრულყოფილად განხორციელება. საკუთარი მუშაობით კმაყოფილი ვარ, რადგან ვცდილობდი თითოეული სესია საინტერესო, ინფორმაციული და ამავდროულად სახალისო ყოფილიყო. მოსწავლეებს ვაძლევდი საშუალებას, თავისუფლად დაეფიქსირებინათ საკუთარი მოსაზრებები მთელ რიგ საკითხებთან დაკავშირებით. ხშირად ვიყენებდი დიალოგის მეთოდს, რათა  საკითხის უკეთ გააზრება-გაანალიზება მომხდარიყო. თუკი მომავალშიც მომეცემა შესაძლებლობა, რომ მოსწავლეებთან პროფოერიენტაციისა და კარიერის დაგეგმვის პროგრამის ფარგლებში ვიმუშაო, აუცილებლად შევეცდები  სესიები კიდევ უფრო საინტერესო, სახალისო, განსხვავებული და ინფორმაციული გავხადო.